ARTIKEL

Pengelantang menua bukti rayat begempung

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa bebaik rayat pupu bansa begulai ngintu pengerami meseti ditan nyadi bukti penyelai ba Sarawak.

ADUN Satok, Datuk Ibrahim Baki madah, budaya ngintu hari besai ngaul pupu bansa ba sebengkah pengawa nyata nunjukka ulah bebaik dalam komuniti.

“baka malam tu, kitai bekunsi ngintu pengerami begulai iya nya Pengerami Ngabang Aidilfitri enggau Pengerami Mantar Gawai.

“Taja udah datai ba pengujung syawal tang ‘diang’ Pengerami Aidilfitri agi diasai lalu udah tu kitai deka ngintu Pengerami Gawai Dayak.

“Tu meh penyelai ba Sarawak. Bemacham raban bansa, jalai pengarap, adat enggau main asal ukai nyadi penanggul kitai begulai ngintu pengerami,” terang iya.

Ibrahim mansutka jaku nya ba Pengerami Ngabang Aidilfitri enggau Pengerami Mantar Gawai ba Balai Dato Hajah Jumai’ni Sekula Primari (SK) Rakyat, ditu kemari.

Ku iya, pengerami tu beguna amat dikena nanggam kaul enggau bala bakih.

“Chunto iya, ba rumah aku maya Pengerami Aidilfitri, mayuh bakih bansa China, pengajar China sereta bakih Iban enggau India datai ngabang.

“Sigi bisi pemanah ngintu pengerami baka tu laban nya nunjukka kitai nadai penanggul ngintu pengerami begulai baka malam tu,” ku iya.

Nambah ke nya, iya meri pengaga ati ngagai Sitak Genturung Pendiau (KJM) Satok laban mujur ngatur pengerami ti richah tu.

Iya mega ngarap kerejasama ditanggam KJM majak rat sereta program manah baka tu patut diatur baru dudi hari.

“Meri pengaga ati ngagai KJM. Rindu meda raban tu nyadi pelasar ngerapit kaul komuniti,” terang iya.

AJAT ASAL… Raban indu enggau lelaki mandangka ajat asal ba Pengerami Ngabang Aidilfitri enggau Pengerami Mantar Gawai ba Balai Dato Hajah Jumai’ni Sekula Primari (SK) Rakyat, ditu kemari. – GAMBAR GHAZALI BUJANG.

BERITA LAIN

Tiga lelaki ditan

MUKAH: Tiga lelaki peranak menua beumur entara 24 nyentuk 26 taun ditan pengudah ditemu positif dadah bansa methamphetamine ba Operasyen Begulai Nagang Penyah t i

6.49 gram dadah dirampas

KUCHING: Bisi 14 individu ditan ba bemacham penyalah bekaul dadah ba Op Tapis Khas ti dipejalai pengelama tiga hari ngelingi pelilih tu, ari 25 nyentuk

BERITA TERBARU