KUCHING: Tuai Pemegai Menua (TYT) Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi nerima penemuai basa ari Panglima 1 Divisyen ke baru, Mejar Jeneral Mohd Sobirin Mohd Yusof di Astana Negeri Sarawak, kemari.
Tuju penemuai basa nya dikena Mejar Jeneral Mohd Sobirin madahka diri nyadi Panglima 1 Divisyen Infantri Malaysia ba Kem Muara Tuang, Kota Samarahan.
Awak nya bela dikena berandauka macham pekara bekaul pengelikun nengeri enggau menua baka berita ba adan menua Sarawak, pengawa Raban Soldadu Malaysia (ATM) ti nyaga pengelikun menua.Iya mega bisi bekunsi pasal sekeda penguji pengelikun ke majak nambah ba renggat global enggau rantau tu.
Kelimpah ari nya, pekara bekaul pengawa nyungkak industri ngetan pengelikun menua bela dirandau ti nyengkaum pengulih ngaga aset nyaga pengelikun.
Ku Mohd Sobirin, aset nya baka dron enggau kereban soldadu sereta pekara pengelantang raban soldadu, isu nasional enggau geopolitik antarabansa.-EDISI UKAS
