ARTIKEL

NGELANCHAR… Ting (belakang, tengah) sereta bala bukai begambar ungkup kenang enggau bala Warden Trafik MPS rambau ngelanchar motosikal baru MPS.

Pengelikun trafik Sibu majak tejamin

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Kaunsil Mengeri Sibu (MPS) diatu ulih bejalaika mayuh agi pengawa neritka atur trafik enggau arus trafik berebak ari pengawa meli empat motosikal baru.

Dikena ngamat pekara nya, bisi 10 Warden Trafik MPS mujur nembu latih sida ba Palan Matih Polis Malaysia (PULAPOL) ba Kuching.

Warden Trafik MPS nya deka bejalaika pengawa matau ngelingi mengeri Sibu ngena motosikal nya ungkup pengawa neritka atur trafik enggau matau arus trafik.

Chairman MPS, Kaunsilor Clarence Ting Ing Horh madah, ngena motosikal nya, raban penerit atur trafik MPS diatu ulih matau mayuh agi palan ba mengeri tu.

Ku iya, MPS ngembuan 44 pegawai penerit atur tang sebedau tu sida semina bejalai pengawa matau ngena dua buah van.

“Nya alai, sida enda ulih bejalaika pengawa matau ngagai mayuh sitak ba mengeri tu,” terang iya rambau dirandau pemberita pengudah ngelanchar motosikal baru nya ditu, kemari.

Ting madah, motosikal nya deka disikap ngena sistem siren.

“Kami ukai ngagai entukar tang bejalaika pengawa nerit atur trafik. Warden Trafik MPS (nyengkaum pegawai penerit atur) bisi kuasa ngeluarka saman ngagai deriba ti ngelanggar undang-undang,” ku iya.

Iya madah, raban kaunsil mega deka ngiga mayuh agi van ungkup pegawai penerit atur ngambi bejalaika mayuh agi pengawa matau.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP