KUCHING: Karnival Gawai Tematu 2023 enggau Pekit Dayung Gawea Tematu 2023 Kelapan datai baru nyerumba Hari Gawai Dayak ti deka datai.

Chairman Pengatur, John Pata James Jumin madah, karnival tu deka diatur kena 26 enggau 27 Mei tu ba Balai Mensia Mayuh Kampung Tematu.

“Perais RM2,000 nganti champion Pekit Dayung Gawea Tematu 2023 kelimpah jumpang, bungai, selampai, trofi enggau setipikit.

“Kami mega meri perais RM1,800 ngagai dayung lumur dua enggau RM1,500 ngagai dayung lumur tiga kelimpah jumpang, bungai, selampai, trofi enggau setipikit,” ku iya ba sebengkah penerang media.

Ku iya, ba pekit nya mega bisi champion kategori bukai baka RM300 ngagai champion Onak Dayung Gawea Tematu 2023, RM200 ngagai lumur dua enggau RM100 ngagai lumur tiga.

“Kami mega bisi ngatur pekit Sindok Gawea Tematu 2023 ke alai champion deka mai pulai perais RM500, lumur dua RM300 lalu lumur tiga RM100.

“Ungkup champion Birogong (kereban muzik tradisional) enggau Tanda Tradisional Bidayuh 2023, champion deka mai pulai perais RM1,000, lumur dua RM800 enggau lumur tiga RM500 nyengkaum perais bukai,” ku iya.

Iya madah, sida mega bisi ngatur kerejasama enggau Radio Televisyen Malaysia (RTM) Seksyen Radio WAIfm Bidayuh.

“Kami deka ngangau ke sekeda penanyi tebilang Bidayuh dikena ngerichahka agi karnival tu.

“Kelimpah program besai, kami mega bisi ngatur bemacham aktiviti bukai.

“Tu nyengkaum aktiviti ‘Nyilitiak Toring’ enggau ‘Ngituak Irau’, pekit kraf jari, eksibisyen ari ejensi perintah enggau peribit, pengawa bejual pemakai enggau ke bukai,” ku iya.

Iya madah, mensia mayuh tau ngelawa ruai Facebook Karnival Gawai Tematu enggau Pekit Dayung Gawea Tematu laban semua pom bisi dipadah dalam nya, lalu haribulan kepenudi masuk pekit tu kena 31 March 2023.

“Sida ti deka nemu silik tau telefon ngagai aku empu ba lumur, 0198259395, Canters (0198744716) tauka Leonora (0168723236).

“Aku ngelaluka semua kitai sampal datai ngerichahka agi karnival ti diatur kami tu laban tama nadai bebayar,” ku iya.