KUCHING: Pengawa bejalaika Pelajar Teknikal enggau Latih Vokasional (TVET), up-skilling enggau re-skilling ti besai bungkur nyerangkung peranak menua pesisir Sarawak entara batang pekara dikerandau.
Pekara nya dikerandau Menteri Pengereja Pengawa ti mega Menteri Beempu Tanggungpengawa ba Pekara Sains, Teknologi enggau Kuasa Singapore, Dr Tan Seng Leng lebuh ngatur penemuai basa ngagai Tuai Pemegai Menua (TYT) Nengeri Sarawak, Tun Pehin Sri Dr Wan Junaidi Tuanku Jaafar sereta bini, Toh Puan Datuk Patinggi Fauziah Sanusi, di Astana Negeri Sarawak, ditu ensanus.
Berebak enggau nya, Dr Tan mega ngangau ke Tun Wan Junaidi ngatur penemuai rasmi ngagai Singapore.
Dulu ari nya, diligit ari Singapore nya ngatur penemuai basa ngagai Premier Sarawak, Datuk Patinggi Tan Sri Abang Johari Tun Openg di Kompleks Satria Pertiwi.
Sama datai ba penemuai nya, Penulung Tuai Eksekutif, Raban Pemesai Kuasa, Eugene Toh, Direktor Unit Pemansang Pekara Makit enggau Gas, Raban Bekuasa Pekara Makit Kuasa, Ong Teng Koon enggau Penulung Direktor Kanan ari Opis Menteri Dagang enggau Industri Singapore, Serene Chan.
