Peranak rumah panjai gaga nerima pintu nyerumba Gawai Dayak

SARIKEI: Projek Pintu nyerumba Gawai Dayak meri pengaga ati ngagai peranak ba 87 buah rumah panjai ba sitak Dun Repok ditu.

Adun Repok, Dato’ Sri Huang madah, sepenyampau 1,327 kepin pintu udah disua nengah projek nya ungkup rayat dipegai iya, tadi.

“Pemeri tu udah disua nengah bantu Projek Pintu nyerumba Gawai Dayak ke deka dirami raban bansa Dayak enda lama agi.

“Aku deka mai pengaga ngagai peranak rumah panjai taja taun tu chara ngintu Gawai Dayak bisi bida enggau nyelai ari taun ke udah-udah,” ku iya.

Ku Huang, bantu nya sebagi ari inisiatif Perintah Gempung Parti Sarawak (GPS) ungkup ngintu pengelantang peranak ba rumah panjai dia.

“Aku nemu lebuh ngintu Gawai Dayak, genap rumah panjai udah tentu bisi merambu ngatur bemacham aktiviti ngambi ngerichahka agi hari besai nya.

“Bisi sekeda deka ngelagu ruang bilik sida enggau manah agi tang bisi penekul ba pekara belanja.

“Nya kebuah aku teulihka runding nyuaka pemeri baka tu ngambika sida ulih ngintu Gawai Dayak enggau ati lantang,” ku iya.

Suara Sarawak