KUCHING: Penyampau tubuh nembiak Sarawak ti ngambi program Sains, Teknologi, Injinir enggau Matematik (STEM) entara pemadu mimit di Malaysia.

Menteri Pelajar, Inovasyen enggau Pemansang Bakat, Datuk Roland Sagah Wee Inn madah, diatu semina 33 peratus nembiak Sarawak rejister dalam program STEM.

Ku iya, 20 peratus ari sida nya ngambi sains tulin seraya 12.05 peratus da ngambi kus teknologi enggau teknikal vokasional.

“Taja penyampau nya jauh ari tagit menua, enda ulih dikeenggai penyampau peratus udah bisi manah agi,” ku iya lebuh dirandau pengudah bejadika Program Mini Teater STEM Sarawak di SMK Tun Abdul Razak, ditu tadi.

Nya alai iya nyemetak madah ke semua pengajar patut ransing agi nyapai tagit ke ditetap dalam Strategi Pemansang Pasca Covid-19 (PCDS) 2030, ti begunaka 60 peratus nembiak rejister dalam STEM manggai 2030.

berita penuh Ruai 2 pagila