KUALA LUMPUR: Perintah Penyerakup keran deka ransing agi gawa enggau meri servis ngambi nangkup peminta rayat baka dibantai nengah pemutus Pengawa Bepilih Nengeri (PRN) di enam nengeri enggau Pengawa Bepilih Mit (PRK) Kuala Terengganu.

Menteri Besai, Datuk Seri Anwar Ibrahim madah, perintah dibaruh iring iya deka terus tegap enggau teguh, serserarisiris enggau juluk ngemansangka Malaysia MADANI enggau Polisi Ekonomi MADANI.

“Insya-Allah, Hari Satu kitai deka terus gawa ukai semina baka selama tang ransing agi gawa ngambi Malaysia nyapai penyulut ti ngemegah,” ku iya.

Anwar nibar jaku nya ba aum pemberita pengudah mantaika pemutus PRN nya ba Palan Dagang Dunya Kuala Lumpur, malam tadi.

Sama bisi datai Sapit Menteri Besai ti mega Chairman Barisan Nasional (BN), Datuk Seri Dr Ahmad Zahid Hamidi sereta supreme kaunsil parti Perintah Penyerakup.

Anwar mega madah, perintah bebasaka pemutus PRN di Kelantan, Terengganu enggau Kedah ke alai Perikatan Nasional (PN) ulih ngetanka nalan ba nengeri nya. – BERNAMA