ARTIKEL

TERIMA KASIH… Abang Johari nerima tepa ari Datuk Sri Naroden Majais lebuh ngabang ke rumah iya, tadi. | GAMBAR MOHD ALIF NONI

Perintah Sarawak nganti gerah mai nembiak pulai ari Iran

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak agi nganti gerah ari Opis Menteri Luar enggau Opis Menteri Pelajar Tinggi (KPT) mai pulai bala nembiak Sarawak ti belajar ba Timur Tengah bekau ari penyarut Iran enggau Israel.

Premier Sarawak Datuk Patinggi Tan Sri Abang Johari Tun Openg madah, mayuh nembiak Sarawak belajar din kelebih agi di menua Jordan enggau Mesir.

“Ba Mesir tubah nembiak kitai ngambi pelajar perubat baka ba mengeri Alexandria kelimpah ngambi kus pengarap di Universiti Al-Azhar, Mesir.

“Nya alai, kitai agi nganti sanding penemu ari Opis Menteri Luar sekalika penyarut din ngeruga pengelikun sida tauka enda (mai pelajar Sarawak pulai),” ku iya.

Abang Johari bejaku munyi nya lebuh ditanya pemberita pengudah ngulu Pengerami Ngelalu Pengabang Hari Raya Aidilfitri Penyanding Penemu Menteri Dagang Antarabansa, Industri enggau Meranak Puku, Datuk Sri Naroden Majais di Jalai Bako ditu, tadi.

Ku iya, enti sema kededua opis menteri nya meri sadang penemu ngasuh mai pulai bala nembiak di Timur Tengah din, perintah deka nitih ke jaku gerah enggau lalau nya.

“Naka diatu, empai bisi gerah, kami agi nganti nama sanding penemu sida opis menteri.

“Kami mega seruran betanya enggau Opis Menteri Luar, Opis Wilayah Sarawak nengah Direktor Fenny Nuli ngulihka berita pemadu baru,” ku iya.

Media antarabansa sebedau tu ngeripotka Iran nyerang Israel ngena 200 buah dron enggau leka seterum balistik kena Hari Enam tu tadi.

Iran sebedau tu besumpah deka malas dendam laban Israel udah nyerang konsulat sida di Damsyik kena 1 April lalu munuh tujuh iku Pemesai Revolusyen nyengkaum dua iku pemesai komander kanan.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

Korea Utara disyaki godam RM24.3 bilion kripto

NEW YORK: Biro Siasatan Persekutuan (FBI) pada Sabtu menuduh Korea Utara mencuri lebih daripada AS$6.0 bilion (RM24.3 bilion) dalam bentuk aset maya daripada bursa kripto

Berani bersuara walaupun gemuruh

Baru-baru ini, saya berpeluang menyertai kelas Kuasai Asas Berucap dalam Dua Jam anjuran Kelab Pidato Perdana Antarabangsa. Terus terang, saya sangat gemuruh apabila berucap dan