ARTIKEL

Dr Sim (tengah) begambar begulai enggau temuai dipebasa ke bisi datai. - Foto: UKAS

Perintah Sarawak ngemendar servis trombektomi digaga ungkup pesakit strok

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak udah ngemendarka servis trombektomi digaga ungkup pesakit strok berubat di nengeri tu.

Ku Sapit Premier Sarawak, Datuk Amar Dr Sim Kui Hian, servis nya dikemendarka Premier Sarawak, Datuk Patinggi Tan Sri Abang Johari Tun Openg, ke bekenaka belanja RM3.8 juta setaun.

“Servis tu deka berengkah digaga ba Hospital Besai Sarawak dulu lalu deka matih sida ke landik ba radiologi intervensyen.

“Enggau tu, urung 500 iku pesakit strok bisi pengulih diselamatka dalam setaun,” ku iya ba aum media sepengudah ngenataika jaku pengelalu ba Aum Asia Pasifik Pengerai Mensia Mayuh (APCPH) ke-8 ditu seharitu.

Iya mega madah, perengka guna ke dikena ba servis nya udah bisi di Sarawak tang lutor semina siku aja.

Nya alai, ku iya, iya deka ngaga peminta ngambika servis nya ulih berengkah dipejalai nengah agih belanja tambah ari Perintah Besai laban pekara pengerai agi dipegai sida.

Sama bisi datai maya nya, Kaban Kunsil Nengeri (ADUN) Opar, Billy Sujang, Direktor Opis Menteri Pengerai Nengeri Sarawak (JKNS), Dr Veronica Lugah, Mandal Chairman APCPH ke-8, Dr Tahir Aris, sereta temuai dipebasa bukai.

BERITA LAIN

BERITA TERBARU