SEBAUH: Raban Petronas sinu betatika nasip 400 iku nembiak diau bemalam ba sebuah sekula ditu ti benung bepekul kenyau ari 26 April nyin tadi.

Nya alai raban sida ngaul empat anak serikat berumban nganjung bantu pemakai, sengkabung mua enggau penuchi jari ngagai bala nembiak nya.

Bantu ari Asean Bintulu Fertilizer Sdn Bhd, Gerup Serikat Malaysia LNG & Petronas LNG 9 Sdn Bhd enggau Petronas Carigali Sdn Bhd – SK Gas udah dianjung orang tengah terus ngagai Sebauh.

Nitihka penerang, bala nembiak diasuh bepekul laban deka Nyidi Kes Agi Berampit (ACD).

Pengari warden buding sekula nya, Siti Hazlina Ibrahim meri besai terima kasih ngagai anak serikat Petronas ti betatika nasip bala nembiak dia.

Bantu pemakai udah diagih ngagai bala nembiak nyengkaum sida ti diasuh kuarantin ba hotel enggau PKRC Bintulu.

Ba lansa sama, Menteri Utiliti ke mega Adun Kemena, Datuk Seri Dr Stephen Rundi Utom enggau sekeda raban ngatika diri enggau Gerempung Ukai Dikuasa Perintah (NGO) sama bisi nganjung bantu.