PUTRAJAYA: Opis Menteri Pengerai Malaysia (KKM) netapka sida nadai neritka Atur Mindah Betagang (PKP) berindik ari kes COVID-19 nambah naka diatu.
Menteri Pengerai, Datuk Seri Dr. Dzulkefly Ahmad madah, sida ngaku kes dalam menua nambah lalu ngarapka pekara tu ulih ditapi enggau nadai sebarang sekat baka ti nyadi sebedau tu.
“Bisi betanya, nya kebuah kami nerang kitai enggai neritka atur mindah baka PKP suba.
“Nya alai, dikena napi kes betambah, KKM netapka lima strategi napi kes COVID-19 nambah baka nyidi tumu nengah Heightened Alert System (HAS),” terang iya.
Dr. Dzulkefly mansutka jaku nya ba aum pemberita khas bekaul COVID-19 ba Opis Menteri Pengerai, ditu tadi.
