KUCHING: Manuk sabung lelaki ari Parti Pesaka Bumiputera Bersatu (PBB) deka ngarika Gempung Parti Sarawak (GPS) ba Pengawa Bepilih Mit (PRK) Jepak.

Premier Sarawak ti mega Chairman GPS, Datuk Patinggi Tan Sri Abang Johari Tun Openg madah, manuk ti dikeandal ngarika penuduk ungkup PBB nya deka dibantai enda lama agi.

“Manuk kitai nya lelaki enggau orang menua nya empu.

“Insya-Allah, nganti ila tauka lusa kitai deka nemu sapa manuk sabung tu,” ku iya.

Abang Johari bejaku munyi nya lebuh ditanya pemberita pengudah bejadi Konvokesyen Swinburne ba Palan Aum Borneo Kuching (BCCK) ditu, tadi.

Ungkup rikod, PRK Jepak deka diatur kena 4 November tu.