Produk pemakai dikena manah

KUCHING: Projek Tibang Pemakai ari Betong ke Sarikei sebagi ari inisiatif besai Perintah Sarawak ngena manah produk pemakai.

Sapit Kepala Menteri ti mega nyadi Menteri Betanam Betupi, Tanah Adat enggau Pemansang Kandang Menua (GPS-Bukit Saban) Datuk Amar Douglas Uggah Embas madahka Perintah Sarawak udah ngasuh Komiti Pemansang Tanah Sarawak (SLDB) ngambika matau, ngatur sereta bejalaika inisiatif Tibang Pemakai.

“Entara asil pemakai ke diperambu ba menua nya nyengkaum rian, nanas, pisang enggau nyiur.

“Dikena nyukung inisiatif tu, Opis Entali Ai enggau Parit Sarawak udah beratika urung 60,000 hektar tanah di Betong enggau Sarikei endur bejalaika projek infrastruktur betanam betupi,” ku iya.

Uggah madah munyi nya lebuh nyimpul jurai opis menteri iya ba Aum Kedua Renggat Keempat Dun Ke-18 ditu tadi.