SIBU: Program meri darah Aram Meri Darah diatur Opis Pengangkut Jalai (JPJ) Pampang Sibu udah mujur diatur ba Star Mega Mall nerima timbal manah ari mensia mayuh.
Nitih penerang JPJ Sarawak, bisi 71 penyereta udah rejister meri darah lalu 63 ari nya mujur meri darah ba timpuh lima jam diatur.
Pemujur pengawa tu udah ngelui selinting tumu 50 pemeri darah ti ditetapka Sepital Sibu.
Program tu mega kerejasama keterubah entara JPJ Pampang Sibu enggau Unit Transfusi Darah Sepital Sibu.
Tuai JPJ Pampang Sibu, Nurul Fairiezzah Safri lebuh bejaku meri terima kasih ngagai semua sida ti meri darah lalu nyuaka setipikit enggau tepa ngagai bakih strategik nyengkaum ejensi, bakih dagang enggau gerempung ukai dikuasa perintah (NGO) ti ngambi bagi.
Pemujur tu meri peransang netapka program tu nyadi aktiviti ninting taun JPJ Sibu seraya ngerapit kaul opis enggau komuniti.
Atur program baka tu ukai semina narak semangat volunteer tang mega ulih ngidupka nyawa nengah pengawa meri darah ti chukup diguna. – TVS
