ARTIKEL

Program Nyukat Genturung Pendiau Asal deka terus dipejalai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Perintah Sarawak bebendar neruska program Nyukat Genturung Pendiau Asal dikena nentuka semua genturung pendiau asal di nengeri tu tembu disukat.

Sapit Kepala Menteri Datuk Amar Awang Tengah Ali Hasan madah, program nya nadai diketu dikena ngaku genturung pendiau asal diaku sekalika nya ba sitak ke udah digazetnitihka Rizab Komunal Bumiputera tauka bedau.

“Nya alai, aku nesau semua tuai komuniti tauka Penghulu patut bekerejasama enggau pengari rayat ngerintaika nama genturung pendiau ke patut masuk program tu lalu gaga peminta nyukat tanah ngagai Opis Tanah enggau Survei (JTS),” ku iya.

Iya madah munyi nya maya Pengerami Nyuaka Chek Pampas ungkup projek Bako/Sejingkat/Jalan Pesisir Samarahan, taba nangkir SK Ibnu Khaldun enggau gazet rizab komunal bumiputera, ditu kemari.

Awang Tengah mega madah, Program Nyukat Genturung Pendiau Asal tu dipejalai enda bebayar engagu udah nya deka diberi surat pala tanah nitihka Seksyen 18 Kanun Tanah Negeri.

“Program tu udah berengkah kenyau ari taun 1960-an sereta disambung nyentuk ke diatu.

Ba pengerami nya, Awang Tengah bisi nyerahka gazet Rizab Komunal Bumiputera nitihka Seksyen 6 Kanun Tanah Negeri ungkup Kampung Mang enggau Surat Pala Tanah nitihka Seksyen 18 (kediaman) ungkup Kampung Sindang.

Sama bisi datai, Menteri Muda Pemansang Dagang Entarabansa enggau Industri, Terminal Industri enggau Pemansang Pedagang, Datuk Mohd Naroden Majais, ex-Adun Muara Tuang Idris Buang, Residen Bagi Menua Samarahan Brahim Lumpu enggau Direktor JTS Sarawak Abdullah Julaihi.

BERITA LAIN

BERITA TERBARU