Projek Balai Polis Sg Asap agi ditangguh

KUCHING: Balai polis Sungai Asap ti nyuwa rumah kedai Punan Land District Sg Asap, Belaga enggau bayar suwa RM3,000 sebulan agi gawa baka selama.

Raban polis ke gawa dia mega nadai rumah endur diau disedia ngujungka sida nyuwa rumah ba luar.

Menteri Dalam Menua II, Jonathan Yassin madah, balai polis nya disikap siku sarjan, siku koperal enggau dua lans koperal.

“Perambu projek agi ditangguh naka diatu laban bisi pekara bekaul taba ba tanah Skim Pengentap Baru Pendiau Bakun.

“Kami udah ngelala ni bagi taba nya lalu atur pengawa ngempu tanah agi dipejalai,” ku iya.

Jonathan mansutka penerang nya lebuh nyaut tanya Kaban Parlimen Hulu Rajang Datuk Wilson Ugak Kumbong ba Aum Parlimen, tadi.

Suara Sarawak