Projek jalai di Kapit patut dirumban

KUCHING: Opis Menteri Pemansang Menua Pesisir dikearap ngerumban pengawa ngemanah tiga jalai batang ba sitak Kapit.

Kaban Parlimen Hulu Rajang Datuk Wilson Ugak Kumbong madah, projek keterubah iya nya ngemanah jalai batang ngagai palan pengentap baru Tegulang Fasa Enam di Pelilih Belaga 9.5 kilometer (km) penyauh.

“Kedua, ngemanah jalai batang ngagai palan pengentap baru Mentalun Fasa Lima di Pelilih Belaga pemanjai 17.5 km.

“Ketiga, ngemanah jalai Rumah Nyamok ngagai Sekula Primari (SMK) Baleh nyentuk Rumah Layang Nanga Kain,” ku iya.

Ugak mansutka jaku nya lebuh ngambi bagi bejuraika mosyen ngagai Duli Yang Maha Mulia Sri Paduka Baginda Yang Di-Pertuan Agong lebuh Aum Parlimen ba Putrajaya, ditu tadi.

Terang Ugak, Jalai Besai Pan Borneo ari Bintulu ngagai simpang Bakun udah tembu tang nadai simpang jalai tama ngagai Pasar Sebauh.

“Pekara tu ngujungka mensia mayuh bepusin baru penyauh 2 km.

“Berebak enggau nya, aku minta siti jalai puntang digaga jampat ngambi ngemuntang peranak Pasar Sebauh tama enggau pansut nengah nya,” ku iya nerang.

Nambahka nya, iya minta Opis Menteri Penyaga Menua ngaga pagar pengelikun ba jalai adan menua Kalimantan enggau Sarawak berindik ari perambu Perintah Indonesia deka mindahka indu mengeri ngagai Kalimantan Timur.

Suara Sarawak