KUALA LUMPUR: Seri Paduka Baginda Yang di-Pertuan Agong Al-Sultan Abdullah Ri’ayatuddin Al-Mustafia Billah Shah ngemendarka Proklamasyen Darurat dipejalai ba Malaysia nyentuk 1 Ogos taun tu.
Ba siti penerang berita Datuk Pengelola Bijaya Diraja Istana Negara Datuk Ahmad Fadil Shamsuddin madahka atur tu dipejalai dikena nagang pengerekai Covid-19 selampur menua.
“Seri Paduka Baginda ngemendarka timpuh darurat nya tauka ngagai siti haribulan ti tumu agi enti sema penyampau kes positif Covid-19 ninting hari bekurang sereta diputar enggau manah.
“Seri Paduka Baginda mega setujuka perambu perintah numbuhka siti Komiti Ngatika Diri diarika Kaban Parlimen Perintah enggau Penyakal sereta raban ke anda pasal pengerai enggau raban ti bekaul,” ku iya.
Iya mega nandu, Komiti Ngatika Diri tu deka meri penemu ngagai Seri Paduka Baginda enti sema darurat tu ulih diketuka tumu agi.
Ahmad Fadil mega madahka, pekara tu mega bisi berundingka aum entara Seri Paduka Baginda enggau Raja-Raja Melayu.