Rega manuk tuai, dagin jani dijaga

SERIAN: Manuk tuai enggau dagin jani entara dirintai ba rega dijaga nyerumba Gawai Dayak ke deka datai.

Menteri Dagang Dalam Menua enggau Pekara Penguna (KPDNHEP) Datuk Alexander Nanta Linggi madah, dua pemakai nya dijaga rega laban nerima peminta tinggi maya musin pengerami tu.

“Kami enda matau rega dagin jani maya pengerami bukai tang maya Gawai Dayak, kitai bela nemu dagin jani tu nerima peminta tinggi.

“Baka nya mega enggau manuk tuai laban raban bansa Dayak suah begunaka manuk tuai ungkup kedempa enggau pengawa bukai.

“Nya kebuah, dagin jani enggau manuk tuai tu nerima peminta tinggi ba menua pesisir lalu ngerintaika pemakai nya entara pemakai ti dijaga rega,” terang Nanta.

Nanta mansutka jaku nya ba aum pemberita lebuh bejalai ngabas enggau matau Makit Basah Serian, ditu tadi.