Rega sengkabung mua dijaga

KUCHING: Sarawak ngerikod 10 ripot bekaul pengawa nikika rega sengkabung mua tang nadai sebarang notis tauka ukum dikeluar laban pedagang enda ngelanggar atur ditetap.

Sapit Menteri Dagang Dalam Menua enggau Pekara Bebelika Barang (KPDNHEP), Chong Chieng Jen madah, sepenyampau 3,101 premis diperesa nyengkaum sengkabung mua di Sarawak naka diatu.

“Pengudah diperesa, bisi sekeda pedagang nitihka rega pemadu mar sengkabung mua ti ditetap.

“Kitai nganjung 2,300 pemesai penerit adat gawa selampur menua kenyau ari 25 Januari sereta bejalaika atur terit ngagai pedagang ti nikika rega sengkabung mua ti enda patut di baruh Akta Kawalan Harga dan Anti Pencatutan 201,” ku iya.

Iya mansutka jaku nya rambau aum pemberita pasal rega sengkabung mua ti nerima peminta tinggi ari mensia mayuh berindik ari pengerekai igi penyakit Novel Koronavirus (2019-nCoV) ditu, tadi.

Suara Sarawak