KUCHING: Pengundi ti bisi kaul enggau Pengawa Bepilih Besai (PRU) Sarawak Ke-13 tau meresa penerang ngundi sida berengkah 23 November 2026.
Nitihka penerang ari Komiti Besai Pengawa Bepilih (SPR) Malaysia, pengawa tu ngemendarka pengundi ngulihka penerang bekaul palan enggau sitak ngundi sida.
Pengawa meresa tau digaga nengah portal MySPR Semak nengah link https://mysprsemak.spr.gov.my.
Kelimpah ari nya, bala pengundi mega tau ngiga penerang nengah aplikasyen MySPR Semak dikena ngulihka penerang nya.
Pengundi ti bisi penanggul tauka enda nemu chara meresa tau ngaga kangau ngagai Lumur Hotline SPR nengah lumur 03-8892 7218.
Hotline tu beoperasyen ninting hari berengkah ari pukul 9 pagi nyentuk 8 malam.
Perengkaguna meresa tu disediaka dikena ngemuntangka pengundi ngulihka penerang ngundi sebedau DUN PRU Ke-13 Sarawak.
Pekara tu dipadah nengah penerang ari SPR ti dipansutka pengudah aum pemberita bekaul enggau PRU Sarawak Ke-13 ditu, tadi.
Ari aum nya, SPR udah netapka 28 November 2026 nyadi hari ngantung nama, ke alai hari ngundi tumu deka diatur kena 8 Disember lalu hari muai undi ditetapka kena 12 Disember 2026.
