LAYAR: Sapit Menteri Nembiak, Lumba enggau Pemansang Pedagang Sarawak, Datuk Gerald Rentap Jabu datai ba palan ngundi pukul 7 pagi sereta nyadi siku ari pengundi keterubah ba Endur Ngundi 1.
Bisi 41,743 pengundi bejalaika tanggungpengawa sida ngundi ba sitak Parlimen Betong sehari tu.
Pengundi berengkah bejalaika tanggungpengawa ba sebengkah palan ngundi ba Sekula Primari (SK) Nanga Ajau pukul 7.30 pagi.
Parlimen Betong bepadan tiga penjuru entara chalun GPS, Dr Richard Sapu, Patrick Kamis ari chalun Pakatan Harapan (PH) enggau chalun Independent, Hasbie Satar
Pia mega, tebal agi pengundi ti datai sereta nganti gintir diri ba palan ngundi ditu bekenaka sengkabung mua.
Ba sekeda endur, staf Komiti Besai Pengawa Bepilih (SPR) bisi dipeda ngiring orang tuai ti ngena kerusi roda ngundi ba endur ngundi lalu gaya hari ditu manah.
