Rh Achi udah bisi sambung internet diatu

JULAU: Rumah Achi, Nanga Biladian ke sebedau tu enda kena bungkur arus penyambung diatu udah nerima servis WiFi Broadband.

Nengah sebengkah penerang ba ruai Facebook Rolland Duat Jubin Adun Meluan madahka servis WiFi Broadband nya nengah projek dipejalai Sarawak Multimedia Authority (SMA).

Ku Duat, projek tu deka meri pemaik ngagai peranak rumah panjai enggau ngenyemakka takah sida enggau dunya luar.

“Projek tu mega dikena mutarka dulu penanggul seraya ke nganti kandang menua nya dibungkur arus penyambung

“Kitai bela nemu, arus penyambung tu beguna amat kelebih agi maya pandemik Covid-19 tu laban tebal agi diatu kitai endang bekenaka internet

“Nya kebuah, inisiatif tu sebagi ari chara nentuka peranak ba genturung pendiau nya agi ulih bekenaka internet kelebih agi bala nembiak,” terang iya.

Suara Sarawak