SINGAPURA: Penyual rian ba Shopee ngerikod udar pemadu mayuh di Shopee Live ti meda entara 5 enggau 18 June 2023.
“Rian tu pemakai dikerindu orang Singapore. Kenyau ari pun bulan Mei, Shopee meda rian enggau nama penyual rian majak tebilang enggau lebih 100 peratus digiga ari minggu ke minggu,” ku Tuai Pekara Makit di Shopee, Winston Goh.
Ku iya, sida temegah ati nyukung penyual rian ba Singapore enggau ngerembai dagang sida di Shopee Live.
Iya madah, Shopee Live udah ngubah chara meli enggau nyual rian.
Berengkah ari June nyentuk Ogos 2023, Pengawa Bejual Rian di Shopee Live mandangka penyual rian tebilang baka Durian Plantation, Huatyuann enggau SLH Fresh Fruits.
Mensia mayuh ulih meli rian enggau rega diskaun enggau baucher eksklusif ungkup Shopee Live baka diskaun 20 peratus baucher, ditatak penyampau S$15 enggau nerima coin.
Nengah Shopee Live, penyual rian diatu ulih ngena pengkalan penguna Shopee meli buah dikerindu sida nya.
Pelasar nya nentuka penyual rian mandangka buah enggau niru peneleba enggau penguna online.
Pia mega, Shopee madah, peminat rian ti meda Shopee Live ulih ngambi Syiling Shopee enggau insentif baucher pengudah meli rian.
Dilanchar ba taun 2019 ungkup dagang rama, Shopee Live udah ngubah chara bedagang online, nentuka chap dagang enggau penyual berandau enggau penguna online nengah chara ti manah.
Shopee nya pelasar e-dagang tebilang ba Asia Tenggara enggau Taiwan.
