Ringat enda diberi RM30, diri sebilik deka dipantap

LIMBANG: Ketegal ringat enda diberi duit RM30, siku indu kena ukum jil 20 bulan pengudah ngemba indai iya ngena sebilah duku, apin lama ke udah.

Majistret Mohamad Hafizi Abdul Halim merintahka ukum ngagai Noraini Sahar, 46 taun pengudah ditemu salah di baruh Seksyen 506 Kanun Keseksaan.

Nitihka penyalah nya, iya ditemu salah laban udah ngemba deka malu enggau deka mantap sida sebilik.

Lelaki nya asal ari Kampung Mengatai ti nadai kereja udah ringat enggau ngerinsa ngena duku pengudah iya nadai diberi duit RM30 ari indai iya beumur 72 taun nya.

Penusah kena 10 April pukul 3 lemai tu nyadi ba rumah sida di Kampung Mengatai.

Kort merintahka Noraini dijil bepun ari haribulan iya kena tangkap iya nya 13 April tu tadi.