KUCHING: Perintah Sarawak ngagihka RM2.5 juta ngagai Kaunsil Pengatur Sekula Sekondari (SMK) St Joseph.

Kepala Menteri, Datuk Patinggi Abang Johari Tun Openg udah dipebasa nyuaka chek nya ngagai raban kaunsil nya.

Pengawa nyuaka chek nya udah diatur ba Opis Kepala Menteri di Wisma Bapa Malaysia, Petra Jaya ditu, pagi tadi.

Tuju agih belanja nya dipinta raban sekula dikena sida ngaga blok baru sekula ke dikumbai SJS Mill Hill Blocks Restoration.

Kelimpah ari nya, agih belanja nya mega deka dikena ngaduka pengawa sekula, nyeruri begunan enggau bejalaika aktiviti ti ulih nambahka penyulut sekula.

Sama datai ngemataka pengawa nya kemari Roman Catholic Archbishop Simon Poh.