ARTIKEL

RM25,000 diagih ngemujur pengerami

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Perintah Sarawak nyukung pengawa ngatur Pengerami Apuu Ta’am Mueng edisyen kedua ngena agih belanja RM25,000 dikena mantu komuniti Saban ngemujurka pengerami main asal di Long Banga, Baram, ari 19 ngagai 21 Disember tu.

Sapit Menteri ba Opis Premier Sarawak (Pengereja Kasar, Imigresyen enggau Patau Projek), Datuk Gerawat Gala madah, agih belanja Projek Mit Pemansang Menua Pesisir (MRP) nya diberi dikena nyaup Serakup Komuniti Saban Sarawak (PMSS) besikap enggau ngatur program sekumbang pengerami nya.

“Sukung tu ukai semina bantu belanja aja, tang dikena ngaku pengawa komuniti Saban ngintu pesaka budaya, negap penyerakup komuniti enggau nentuka pengerami tu diatur belama dudi hari,” ku iya.

Gerawat nyebut jaku nya ba Pengerami Makai Lemai Pengasih PMSS serimbai pengawa besikap Pengerami Apuu Ta’am Mueng 2026 di Miri, empai lama.

Iya madah, baka serakup Orang Ulu bukai ari baruh perabung FORUM, PMSS ngembuan pengerami main asal kediri ungkup mantaika adat enggau pengawa asal komuniti Saban.

Iya ngelalu penatai peranak ari Long Banga, Bario enggau Kelapang dikena ngerapitka kaul entara genturung pendiau.

“Aku ngarapka rebak biak diberi peluang ngambi bagi ba pemerindang main asal enggau pemandang pesaka ngambi sida ulih ngelala budaya diri empu,” ku iya.

Iya madah baru, pengerami nya ulih nyadi pematak dagang temuai komuniti ba menua ulu Baram enggau ngerandang peluang ngagai peranak dia ngelaku pemakai asal, krafjari serta asil betanam betupi ngagai pengusung ari menua tu enggau menua luar.

Sama datai, Sekretari Politik Premier Sarawak, Dominic Nyurang Ajeng; Presiden PMSS, Usat Bilong; Pegawai Pelilih Telang Usan, Ezra Uda; Chairman Pengatur Pengerami Makai Lemai Pengasih PMSS, Johnny Lihan enggau bala pengari serakup sereta bala tuai komuniti Orang Ulu. – EDISI UKAS

BERITA LAIN

Bumi datar dan tembok ais

MENARIK tentang manusia, semakin banyak teknologi digunakan untuk menjelaskan dunia, semakin banyak pula persoalan muncul yang mencabar penjelasan tersebut. Di tengah-tengah kemajuan sains dan penerokaan

BERITA TERBARU

Rumah Panjang Matop di Betong terbakar

BETONG: Dua balai bomba dengan kekuatan 20 pegawai dan anggota mengambil masa kira-kira empat jam untuk mengawal kebakaran yang memusnahkan 90 peratus struktur Rumah Panjang

Bumi datar dan tembok ais

MENARIK tentang manusia, semakin banyak teknologi digunakan untuk menjelaskan dunia, semakin banyak pula persoalan muncul yang mencabar penjelasan tersebut. Di tengah-tengah kemajuan sains dan penerokaan