TANJUNG MANIS: Premier Sarawak, Datuk Patinggi Tan Sri Abang Johari Tun Openg udah limpang ngabas pejalai projek nanam tukun gaga ba tebing pantai Belawai, ditu tadi.
Iya disempulang Sapit Menteri Perambu Mengeri, Pengatur Tanah enggau Rampa Menua, Datuk Len Talif Salleh bekejang ngena kapal penginau pantai ari jelatung Tanjung Manis.
Ba pejalai nya, iya mega udah mendingka taklimat pejalai pemaru baru projek nya kelimpah beratika ekosistem tukun ti ditanam ba taun 2018.
Dulu ari nya, Perintah Sarawak ngemendar agih belanja penyampau RM30 juta dikena bejalaika projek nanam tukun gaga ba sitak Kuala Rajang.
Projek nya nyengkaum ba renggat kedua pengudah projek keterubah beungkus RM70 juta ti dipejalai sebedau tu.
