RM30 juta ngemanah mengeri Simanggang

SIMANGGANG: Perintah nengeri udah ngemendarka agih belanja lebih RM30 juta ungkup beberapa projek dikena ngemanahka mengeri Simanggang.

Kepala Menteri Datuk Patinggi Abang Johari Tun Openg madah agih projek nya udah dikemendar lalu sekeda ari projek nya benung dipejalai.

“Ambika banding kitai udah ngemendarka Projek ‘Peace Park’ beungkus RM5.5 juta ti deka digaga ba kandang Jalai Astana ditu.

” Projek tu deka dikemujur ba tanah pemesai 15 ekar lalu tu jemah nyadi Taman Gadung di Simanggang.

“Palan tu deka ditanam enggau mayuh pun kayu, ditu aku dipadah bisi sebuah Rumah Sri Aman ti udah digaga nyadi muzium,” ku iya seraya madah palan nya mungkur sitak ari Jalai Astana nyentuk ke Jalai Resak ti deka ditangkir besai agi.

Iya madah munyi nya ba Pengerami Makai Lemai beserimbai enggau Program Ketuai Begulai enggau Rayat Sri Aman ke diatur ba Dewan Suarah Sri Aman, ditu malam tadi.

Suara Sarawak