SIMUNJAN: Perintah Sarawak ngemendarka agih belanja tambah RM850,000 dikena ngaduka ruai rumah panjai Kampung Ensengei Iban Baru kemari.

Premier Sarawak Datuk Patinggi Tan Sri Abang Johari Tun Openg mega ngemendarka agih belanja RM3 juta dikena ngaga arung jalai ngelawa genturung Kampung Tanjung Pisang.

“Baka ti dipinta Awla (Adun Simunjan Awla Dris) tadi, nadai penanggul ba aku.

“Semua utai dipinta Awla baka belanja ngaga ruai enggau arung jalai RM3 juta udah aku saut,” ku iya.

Abang Johari bejaku munyi nya rambau pejalai Tuai Ngundang Rayat ba Kampung Tanjung Pisang ditu pagi tadi.