Robert ditemu pengudah tiga hari diripotka lenyau

LAWAS: Siku lelaki ke nurun ngasu diripot lenyau tiga hari ke udah diatu udah ditemu enggau selamat taja dipeda balat ikak urung pukul 3.40 lemai, kemari.
Robert Tamang Labo, 64 ditemu peranak genturung pendiau enda jauh ari endur iya ke diripotka lenyau.
Nitihka penerang ari pengari Bomba enggau Penyah Penusah, pengawa nyidi tudah Robert dipejalai begulai enggau raban ejensi perintah sereta peranak genturung pendiau menua nya empu.
Ku iya, pengawa nyidi enggau nyelamat nya disaup empat iku raban Polis Diraja Malaysia (PDRM), tiga iku bomba, tiga iku polis pemantu enggau 40 iku peranak genturung pendiau.
“Raban penyidi enggau nyelamat nya mujur tetemuka tudah ke lenyau selamat sereta balat ikak.
“Taja pia tudah nadai dibai ngagai Sepital Lawas tang semina diperubatka raban Medic(MA) Serikat Samling Timber (SST),” ku penerang nya.
Pengawa nya tembu urung pukul 4.00 lemai tang semua raban enggau ejensi enda ulih pulai ketegal ujan bangat. Sida bemalam ba AVENSCOURT FMU.

Suara Sarawak