SIBU: Siku lelaki beumur 56 taun peranak menua tu napi pengerugi RM268,840 pengudah ditipu nengah projek mekal
enggau masang sistem solar ari siku orang ti nyaru diri nyadi pegawai Opis Betanam Betupi Sarawak.
Tuai Polis Pelilih Kuching, ACP Alexson Naga Chabu madah, tudah nerima kangau telefon urung pukul 7 malam di rumah iya empu ba pun bulan Januari tu tadi ari saspekti nyendia projek nya.
“Udah nya, tudah nerima dokumenari WhatsApp ti madah ke nya Surat Udar Perintah (Bekal Servis).
“Laban ti pechaya, tudah enam kali mindah duit ngagai akaun bank ti bebida sepenyampau RM268,840,” ku iya ba
sebengkah penerang kemari Tampung iya, pengudah berapa hari nganti, tudah nadai nerima sebarang panel solar baka ti udah disemaya lalu ngeleda kediri empu kena tipu.
Kes nya dipansik Unit Pansik Penyalah Komersial, Indu Opis Pelilih (IPD) Kuching nengah Seksyen 420 Kanun Keseksaan iya nya nipu sereta enda lurus ati ngulihka reta.
“Enti dikenuku salah, saspek ulih digal nyentuk 10 taun, dilunsin enggau ukum mata duit,” ku iya nyemetak.
