Rumah sewa angus lengis

KUCHING: Sebuah rumah ti bisi nyendiaka tujuh bilik sewa ba Jalai Canna, Tabuan Jaya, Kuching angus lengis ba penusah dini hari tadi.

Pia mega, Opis Bomba enggau Penyah Penusah (JBPM) nadai bekenaka kereban pengerara api laban penusah nya enda nyerarai ngagai rumah bukai ke besemak.

Penulung Direktor Operasyen JBPM Sarawak Tiong Ling Hii madah, sida nerima tiga ripot bekaul penusah nya urung pukul 1 dini hari lalu Opis Bomba enggau Penyah Penusah (BBP) Tabuan Jaya begulai enggau BBP Batu Lintang udah ngagai endur penusah nya nyadi.

“Datai ba endur nya, kami tepedaka rumah nya udah angus 100 peratus lalu nadai pengawa ngerara api dipejalai laban rumah sepiak jauh ari rumah ti angus nya.

Ku iya, tujuh iku sida ke diau dia mujur lari sereta ngidupka diri lebuh penusah nyadi lalu nadai sebarang bakal diripot.

“Rumah nya diripot bisi tujuh bilik ke disewa,” ku iya nerang silik.

Suara Sarawak