SRI AMAN: Projek ngintu Rumah Sri Aman dipelaba tembu ujung bulan April tu lalu disadang dipenyadi Premier Sarawak Datuk Patinggi Tan Sri Abang Johari Tun Openg rambau Pengerami Benak 2023 kena bulan Oktober.
Sapit Menteri Pelajar, Inovasyen enggau Pemansang Bakat II ti mega Adun Simanggang Datuk Francis Harden Hollis madah, pengudah projek nya tembu ujung bulan April tu, pengawa ngisi keresa lama ngagai rumah nya deka diatur bulan Mei.
“Projek nya dipejalai Kaunsil Pemansang enggau Pengintu Tanah (LCDA) nengah kerejasama Opis Muzium Sarawak.
“Kelimpah ngatur penembu projek nya, ejensi tu mega bisi ngatur randau enggau tuai raban bansa di Pelilih Menua Sri Aman bekaul projek Rumah Sri Aman nya,” ku iya.
Harden bejaku munyi nya pengudah ngabas projak Rumah Sri Aman kena 14 April tu tadi.
