KUCHING: Rayat Sabah enggau Sarawak dikeandal ulih bekunsi main asal laban kededua nengeri tu ngembuan main asal ti nyau deka sebaka.
Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan madah, pekara tu ngambi pupu raban bansa sama ulih bebasaka bansa bukai.
“Nyema dikaul, main asal rayat kededua nengeri tu nadai jauh bida.
“Nya ukai siti pengawa ti salah, tang nyadi sebengkah kreativiti rayat menua kitai,” ku iya.
Snowdan bejaku munyi nya lebuh bejadika Pengerami Pesta Kaamatan Gerembung Main Asal Kadazan Dusun (KDCA) Sarawak ba sebuah hotel ditu, kena 30 April tu tadi.
