PUTRAJAYA: Sarawak udah rasmi dipilih nyadi tuai rumah ngatur Lumba Malaysia (Sukma) 2024 lalu nya ketiga kali nengeri tu dipilih pengudah ba taun 1990 enggau 2016.
Pengawa milih Sarawak ngatur Sukma nya diatur ba Aum Komiti Besai Sukma ti betuai ke Menteri Nembiak enggau Lumba, Hannah Yeoh.
Hannah madah, pengawa milih Sarawak nya dipesetuju kaban komiti nya nitih sistem rintai tuai rumah ti deka dipilih ninting dua taun sekali entara Kaunsil Lumba Malaysia (MSN) enggau semua nengeri.
Ku iya, Sukma 2026 deka diatur MSN empu lalu Kelantan besetuju nyadi tuai rumah endur ngatur lumba nya ungkup Sukma 2028 dikena meri sida timpuh ti panjai agi endur nyikap diri ngatur pekit nya ila.
