Sarawak gerinti enda bankrap

Mayuh ejensi sereta piak ti ulih mantu dalam ngemansangka ekonomi menua tu

KUCHING: “Kita (Sarawak) gerinti enda bankrap laban kitai ngembuan duit ti chukup sereta tegap, ku Kepala Menteri Datuk Patinggi Abang Johari Tun Openg.

Ku Abang Johari, kitai ngembuan mayuh ejensi sereta piak ti ulih mantu dalam ngemansangka ekonomi menua tu.

“Aku deka ngiga mayuh agi penatai pemisi dikena kitai nambahka belanja menua tu.

“Anti penyampau belanja ti deka dibantai aku ba ujung taun tu, aku bisi chara diri empu alai ngulihka penatai pemisi ungkup menua kitai tu,” ku iya.

Abang Johari madah munyi nya lebuh Pengerami Gawai Raya Yayasan Sarawak 2019 seraya bejadika sistem YS-Cams di Dewan Jamilah Yayasan Sarawak ditu, kemari.

Berebak enggau nya, iya madahka Yayasan Sarawak udah mantu mayuh pemesai sereta mensia mayuh ti udah nyulut dalam pengidup sida.

“Betaun ti udah, Yayasan Sarawak mayuh udah mantu mensia ba pengawa komuniti baka pengawa ngarang, mansutka buku sereta kaul enggau mensia mayuh.

“Taja tu begunaka mayuh duit, tang tu nunjukka kitai, enti kitai mantu orang, Tuhan mega nemu mantu kitai baru,” ku iya.

Ba pengerami nya mega, Abang Johari bejadika siti sistem baru Yayasan Sarawak iya nya Sistem YS-Cams.

YS-Cams siti modul ditumbuhka dikena ngatur sereta ngemuntang proses pinta nengah online.

Datuk Patinggi Abang Johari Tun Openg

Suara Sarawak