KUCHING: Sarawak diatu tampak bebendang nyadi pengerandang kuasa ulih dikemaru di Malaysia lebuh ngena lima penatai tulin kuasa ti bisi ba nenegri tu.
Premier Sarawak, Datuk Patinggi Tan Sri Abang Johari Tun Openg madah, penatai tulin tu ulih dikena Sarawak ngulihka kuasa beresi sereta kuasa tegap ngagai rayat.
“Sekeda ari kuasa tu nyengkaum kuasa hidro, kuasa solar, teknologi ‘power-to-gas-to-power’ (P2G2P), biojisim enggau kuasa hibrid mata panas ngena angin.
“Ungkup kuasa hidro kitai deka ngaga tekat mit (cascading dam) ti enda ngeruga rampa menua laban ngena sungai,” ku iya.
Abang Johari bejaku munyi nya rambau aum pemberita pengudah nyadi chairman Aum Raban Supreme Parti Pesaka Bumiputera Bersatu (PBB) di Indu Opis PBB ditu, tadi.
