KUCHING: Pengawa besalah piak ke madah tanah ke udah digazet ba baruh Seksyen 6 Kanun Tanah Negeri siti pengawa ngambi tanah hak Adat Bansa Asal (NCR) siti pekara ti salah.
Sapit Kepala Menteri ti mega nyadi Menteri Pemansang Mengeri enggau Pengeraja Asal Datuk Amar Awang Tengah Ali Hasan madah pengawa gazet tanah di baruh Seksyen 6 nyadi rizab komunal bumiputera siti pengawa kena meda sereta ngenukuka garis entara tanah NCR udah direjister dalam kar tanah.
“Badu agi irauka entara tanah komuniti laban udah disukat, diberi dikelala sereta diberi tiang pol di dalam pelin kadastra.
“Penerang tu ulih diakses lalu dipejalai genap opis tanah enggau survei tauka dalam laman web eMap enggau Lasis Mobile Apps,” terang iya.
Awang Tengah madah munyi nya lebuh nyimpul mosyen opis menteri iya ba Aum Kedua Renggat Keempat Dun Ke-18 ditu, tadi.
