Sekula diatu besai tanggungpengawa

SIMANGGANG: Tanggungpengawa sekula diatu udah berubah ukai baka kelia.

Ku Kaban Parlimen Saratok, Ali Biju, bala nembiak diatu ukai semina besekula laban deka ngiri penemu tang mega diembing nyadi modal mensia ti menyana.

“Sida diiri ngena penemu enggau penau seriris enggau juluk Opis Menteri Pelajar Malaysia (KPM) nengah Program Transformasyen Sekula 2025.

“Program tu sebagi ari inisiatif Perintah Besai nempa nembiak bisi kualiti, ngemeranka ulah pemadu manah ba atur pengawa enggau ulih nyadi ketuai.

“Tu mega mungkur pengawa ngajar enggau ngemuntangka pengawa seriris enggau juluk Pemansang Pelajar Malaysia 2013 – 2015,” ku iya ke mega Adun Krian.

Ali mansutka jaku tu lebuh bejadika Pengawa Nyuaka Anugerah Nyulut Nembiak Pom Enam Sekula Sekondari (SMK) Simanggang Renggat 2018/2019 ditu, tadi.

NYULUT… Ali (tengah) begambar ungkup kenang enggau bala nembiak nyulut, Sarah (tiga kiba) enggau Tajudin (empat kanan) disempulang apai indai enggau pengajar bukai.