KOTA SAMARAHAN: Premier Sarawak, Datuk Patinggi Tan Sri Abang Johari Tun Openg merambu Universiti Malaysia Sarawak (UNIMAS) nengah Yayasan Sarawak nyendia sekularship penuh ngagai nembiak lutur falsafah (PhD) dikena nungkap pengulih ngempung perubat Timur enggau Barat.
Ku iya, tungkap nya beguna amat dikena nyerungkai pengulih pengaya biodiversiti Sarawak ba pemansang inisiatif perubat ti ulih nambah kualiti nyaga pengerai rayat.
Iya madahka tungkap perubat integratif ulih meri perati ngagai tiga bidang ti bebatang iya nya perubat botani, perubat regeneratif enggau inovasyen bioperubat. “
Nya kebuah, aku merambu ngagai UNIMAS ngambi Yayasan Sarawak nyendia sekularship penuh ngagai chalun PhD dikena nungkap pengulih ngempung perubat Timur enggau Barat.
“Tungkap nya ulih dipejalai nengah kerejasama palan pelajar tinggi menua luar, berindik ari Sarawak ngembuan mayuh biodiversiti diserungkai ngambi berati ke pengulih ungkup perubat diri empu,” ku iya.
Abang Johari madah munyi nya ba Sidang Ketiga Pengerami Konvokesyen Universiti Malaysia Sarawak (UNIMAS) Ke-30, ditu kemari.
Terang iya, tungkap nya mega ulih nyerangkung bidang genomik enggau perubat kediri empu dikena beratika inisiatif nyaga pengerai ti beselinting enggau meruan agi.
Iya madah baru, pengawa ngempung perubat Timur enggau Barat meseti diserungkai ngambi ngena pemansut asal Sarawak dikena nyaga pengelantang komu
