Semilan pemanah produk CWED ungkup orang indu

KUCHING: Berau by Benak Raya udah mansutka siti agi produk baru ti dikumbai Chocolate Women Energy Drink (CWED) ti digaga khas ungkup orang indu.

Ku pemungkal Berau by Benak Raya Imelda Bragie produk baru ari serikat sida iya tu ngembuan mayuh herba baka manjakani, kacip fatimah enggau lobata.

“Chocolate Women Energy Drink manah ungkup orang indu dikena nyaga tubuh ari dalam enggau luar.

“Kelimpah ari nya, produk tu mega manah diirup indu ke benung bepantang dikena ngemayuhka ai tusu,” ku iya lebuh dirandau Suara Sarawak, kemari.

Ku Imelda, sepikit Chocolate Women Energy Drink chukup diirup orang indu ti gawa apus hari awakka nadai berasai lelak tauka lemi tulang.

Imelda Bragie

“Bisi semilan pemanah dalam sepikit ai tu iya nya manah ungkup kulit, ulih mantu lubah tuai, neritka raras tubuh, ungkup pemeresi dalam tubuh enggau mutarka penanggul datai kain, ngelancharka pejalai darah enggau ngangatka isi, seruran regas sepanjai hari, mantu ngurangka penumam makai,” ku iya.

Tandu Imelda, diatu iya benung ngiga stokis enggau ejen nyual produk ari Berau by Benak Raya kelebih agi Chocolate Women Energy Drink dikena mantu raban orang indu.

“Aku benung ngiga orang ti deka nambahka penatai pemisi ngambika ulih mantu ngelempungka tating belanja diri sebilik.

Produk Chocolate Women Energy Drink

“Peluang tu dibuka aku ngagai semua orang kelebih agi sida ke indu tauka nembiak ti nadai pengawa ba selampur Malaysia,” ku iya.

Naka tu di Sarawak, Imelda madahka iya udah ngembuan tiga iku stokis di Sri Aman, Betong enggau Sarikei.
“Ungkup di Semenanjung, aku udah bisi stokis di Johor, Terengganu enggau Negeri Sembilan.

“Ngarapka produk Berau by Benak Raya ulih meri peluang nambahka penatai pemisi ngagai orang bukai kelimpah ngasaika pemanah produk ti digaga ari berau di Sarawak,” ku iya.

Sebedau tu, produk Berau by Benak Raya kala tebilang lebuh Imelda ngeluarka inovasyen produk berau ari Sri Aman nyadi straw dikena ngirup ai ke meri empas manah ngagai rampa menua.

Sapa ti deka nyadi stokis tauka ejen produk tu kita tau betelefon ngagai Imelda empu ba lumur 0109666482 tauka ngelawa facebook Benak Raya Co.

Gaya tangkai padi ke chukup perisi sebedau diproses nyadi produk.

Suara Sarawak