PANTU: Bisi semilan rumah panjai di Pelilih Pantu diberi 1,006 kutak ai irup ketegal musin kemarau. Bantu ari Opis Pengintu Pengelantang Mensia Mayuh (JKM) Sri Aman nya dianjung Opis Pelilih Pantu enggau Raban Penyaga Orang Periman Malaysia (APM) Pelilih Sri Aman, Hari Tiga.

Pegawai APM Pelilih Sri Aman, Leftenan (PA) Kamal Bujang madah, pemeri nya disadung ngagai Rumah Jinggan, Menangkin Ili ke nerima 86 kutak, Rumah Sadiah, Ragai Baru Tuba nerima 118 kutak, Rumah Chendan, Mentu Tengah nerima 108 kutak enggau Rumah Zamry, Ipoh Muding nerima 72 kutak.

Ku iya, bantu nya bela dianjung ngagai Rumah Sadut, Sapak Rembai nerima 172 kutak, Rumah Udin, Sapak Tengah nrima 90 kutak, Rumah Busang, Ibol Muding nerima 146 kutak, Rumah Chaling, Ibol Tengah nerima 44 kutak enggau Rumah Lansam, Kandis Asal nerima 170 kutak.

“Pengawa mujur diatur lalu tembu pukul 3.55 lemai,” terang iya. Kamal madah, pengawa nganjung bantu nya siti ari chara nyaup bala mayuh napi penanggul ketegal kemarau.

“Ngarap ke bantu tu ulih ngelempung mimit penanggul ke ditapi bala mayuh ditu lalu penanggul ke nyadi mega semampai diperati,” ku iya. – EDISI UKAS