ARTIKEL

Sepital Sibu suntuk staf

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Nadai staf baru tauka pangku pengawa baru di Sepital Sibu taja udah beoperasyen kenyau ari 27 taun ke udah, ku Sapit Menteri Pengerai II Datuk Aaron Ago Dagang.

Ku iya, tu ngujungka staf ditating mayuh pengawa kelebih agi lebuh napi pandemik Covid-19 tu.

Ku iya, nya ngujungka bisi sekeda staf kena rampit Covid-19, bisi sekeda kuarantin lalu tu ngujungka Sepital Sibu diatu suntuk staf ke gawa.

“Nitihka utai dibaum kami tadi, aku ngasaika tu mih penanggul besai di Sepital Sibu ke udah beoperasyen kenyau ari 27 taun ke udah dalam taun 1994.

“Nadai staf baru diambi gawa di Sepital Sibu baka pangku pengawa nyadi indu misi enggau ke bukai. Nya entara pemar ditapi sida.

SEPITAL SIBU

“Ketegal suntuk staf, sida madahka staf Sepital Sibu nyau gawa nyentuk 12 jam sehari.

“Tiga syif nyau nadai agi dipejalai lalu diatu staf dia gawa dua syif aja pengelama 12 jam.

“Nya mih penanggul besai ditapi Sepital Sibu taja sida suah mantaika penanggul suntuk staf ngagai Opis Menteri Pengerai Malaysia (KKM),” terang Aaron.

Aaron mansutka jaku nya lebuh aum pemberita pengudah ngabas enggau baum enggau raban Sepital Sibu, Hari Enam tu tadi.

Lebuh ditanya pasal perambu KKM mutarka isu suntuk staf di Sepital Sibu, Aaron madah iya deka mantaika penanggul tu ngagai opis menteri iya.

“Tang lebuh bejaku pasal nambahka pangku pengawa, pekara tu ukai semina ngaul KKM tang mega ngaul Opis Servis Perintah (JPA) sereta opis menteri bukai ngambi berandauka pengawa nambahka staf.

“Taja pia, nyau betaun utai ke dikenatai Sepital Sibu ngagai KKM agi bedau dipejalai,” terang iya baru.

Dulu ari nya, Direktor Sepital Sibu, Dr Nanthakumar Thirunavukkarasu madah, sida beguna abis nadai 150 iku lutur enggau pakar ngambi tetangkupka pengawa di sepital ungkup 10 ngagai 15 taun ke deka datai.

“Naka diatu, pangku pengawa nyadi lutur aja bisi puang 380 ke alai 369 udah diisi lalu tinggal 11 agi pengawa puang.

“Tang enti sema begunaka staf, aku engka begunaka abis nadai 150 iku agi lutur enggau pakar dikena nangkup pengawa pengelama 10 ngagai 15 taun ke deka datai.

“Ungkup staf sukung baka pembantu am, deriba enggau ke bukai, 247 pangku pengawa udah diisi ari 259 pengawa puang.

“Nya alai, bekaul peminta nambahka staf, aku deka minta abis nadai 150 pengawa puang ungkup staf sukung satu tu,” terang Dr Nanthakumar.

Dr Nanthakumar madah, 1,225 ari 1,319 pangku pengawa udah diisi ungkup staf sukung kedua baka indu misi, pemantu farmasi, pemantu fisioterapi enggau ke bukai.

“Ungkup raban tu, enti ulih kami begunaka staf abis nadai 300 iku agi.

“Kebuah pia laban pekara tu deka nambahka staf dikena ngelancharka pengawa di Sepital Sibu,” ku iya nyemetak madah.

Sama datai Menteri Muda Kaunsil Kandang Menua enggau Pengawa Berumah, Dr Annuar Rapaee

BERITA LAIN

BERITA TERBARU

PM Thailand disahkan positif COVID-19

BANGKOK, Thailand: Perdana Menteri Thailand, Srettha Thavisin, mengesahkan semalam bahawa beliau positif COVID-19. Srettha mengumumkan di akaun rasmi X miliknya bahawa beliau akan mengambil cuti

Tulisan beracun

MATA pena lebih tajam daripada mata pisau. Sama seperti pisau yang dapat digunakan untuk mengukir, alat yang sama juga dapat digunakan untuk membunuh. Pisau dapat

Zii Jia juara Terbuka Australia

KUALA LUMPUR: Pemain perseorangan lelaki profesional negara, Lee Zii Jia meraih gelaran kedua musim ini selepas  merangkul kejuaraan Terbuka Australia 2024 dengan menewaskan wakil Jepun