SERIAN: Kelab Pengelikun Penusah Angus Nembiak Mit (3K) nyadi sebagi ari pengawa Opis Bomba enggau Penyah Penusah Malaysia (JBPM) nerenak ulah nyaga pengelikun ngagai sida.

Direktor JBPM Negeri Sarawak PKPjB Khirudin Drahman @Hussaini madahka pelajar pengelikun penusah angus diseridi ngagai bala nembiak endang patut dipejalai ngena chara belepa, merindang ati tang bisi tuju ke berat.

“Kebuah pia laban dunya anak mit bebida ari orang besai tuai lalu kitai patut meretika dunya sida ngambika sida ulih nerima penemu enggau ajar ari ati ti lantang.

“Pengawa tu dipeda muntang enggau rumpas dikereja sereta ngerinduka ati bala nembiak mit beumur entara lima ngagai tujuh taun.

“Kitai deka ulih meda empas ari pelajar tu dalam timpuh 10 taun deka datai,” terang iya.

Khirudin mansutka jaku nya lebuh dirandau pengudah Bejadika Konvesyen Kaban Kelab 3K ba Opis Polis enggau Penyah Penusah (BBP) Serian ditu, tadi.