Serikat penerebai enda tau enda diempu serikat peribit – Chong

KUCHING: Atur pekara penerebai di Sarawak patut diempu serikat peribit.

Kaban Parlimen Stampin Chong Chien Jen madah, enti perintah Sarawak deka bisi serikat penerebai, serikat nya enda tau enda diempu serikat peribit.

Kenu ku penemu Chien Jen, pekara ti patut dipejalaika Perintah Sarawak iya nya meri subsidi penerebai tambang mudah ngagai rayat Sarawak.

Ku Chien Jen, sida patut bejalaika pansik pasal pejalai penerebai komersial ti enda ditengah di kandang menua ulu ngambi pejalai enggau perengka pengangkut muntang agi.
“Sebedau sida beniat bisi serikat penerebai, sida patut berati silik pasal ungkus enggau pemaik.

“Sida mega patut bejalaika mayuh pansik lalu asil ti diulih ari pemisi serikat penerebai nya,” ku iya madah nyemetak.

Iya mansutka jaku nya rambau aum pemerita di Indu Opis Dap Padungan kemari.

Pia mega ku Chien Jen, tu pekara ti manah ungkup kandang menua entigis ti enda kena pansa penerebai komersial.

Chong Chien Jen