Servis patut mungkur menua ulu

KUCHING: Perintah Sarawak enggau Opis Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) patut ngaluska agi bungkur servis guna Kenyalang Gold Card (KGC) kelebih agi ngagai sida ba menua ulu.

Adun Telang Usan Dennis Ngau madahka KGC sebagi ari inisiatif chukup manah ari Perintah Sarawak enggau KWKPK kelebih agi ungkup orang tuai.

“Ari pekara diperati aku lebuh pengawa nyain Sempekat Pemereti Ati (Mou) tadi, mayuh entara bakih strategik tauka kompeni ti mantu bejalaika inisiatif KGC semina bisi ba mengeri besai.

“Baka ni sida ke diau jauh ba menua ulu ti bisi kad tu. Sida enda ulih ngena kad nya ba kedai bukai ke bisi ba menua ulu?,” ku iya nanya.

Dennis madah munyi nya lebuh dirandau Suara Sarawak pengudah ngemata pengawa nyain Mou KGC entara KWKPK enggau 46 bakih strategik ba sebuah hotel tebilang ditu tadi.

“Aku nguji ngiga kompeni ba menua ulu ti ulih ngaul diri bejalaika inisiatif tu.

“Enti nadai kompeni ke ulih alai sida ke tuai ngena KGC, enda patut kitai ngasuh sida ngelawa mengeri semina deka ngulihka servis ngena kad nya?,” ku iya nambah seraya tuchum.

Suara Sarawak