Siku Adun diberi RM1 juta bejalaika PPRMS

KUCHING: Urung 20 ngagai 30 buah rumah raban B40 di sitak Batu Kitang diseruri ninting taun.
Adun Batu Kitang Lo Khere Chiang madahka kenyau taun 2017 bisi 80 buah rumah ba pelilih mujur diseruri nengah Projek Nyeruri Rumah Rayat Miskin (PPRMS).
“Kepala Menteri Datuk Patinggi Abang Johari Tun Openg nyendiaka agih belanja RM1 juta ungkup PPRMS ngagai genap iku Adun dikena sida bejalaika projek nya.
“Nengah projek tu aku ulih mantu raban B40 diau ba rumah ti lantang enggau likun agi.
“Kitai bejalaika projek nukar perabung, ngaga dik, ngaga agu enggau ke bukai,” ku iya.
Khere Chiang bejaku munyi nya ngagai pemberita ba Program Nyuaka Projek Nyeruri Rumah Liew Boon Jing ditu tadi.
Ku iya, agih belanja ungkup PPRMS penyampau RM1 juta nya semina bisi di Sarawak aja.
“Semina perintah dipegai Gempung Parti Sarawak (GPS) aja bisi nyendiaka agih RM1 juta ngagai bala Adun dikena mantu nyeruri rumah rayat,” tandu Khere Chiang.

Suara Sarawak