ARTIKEL

NGABAS… Raban bomba, penyaga orang periman enggau staf Sepital Sarikei rambau ngabas palan penusah aksiden nya ba Kilometer 4, Jalai Repok ditu, sehari tu.

Siku bebadi pengudah entukar ngelantak motosikal ba Kilometer 4, Jalai Repok

Facebook
Twitter
LinkedIn
WhatsApp
Telegram

SARIKEI: Siku indu bebadi nyawa pengudah motosikal ditepan iya belantak enggau sebuah entukar ba Kilometer 4, Jalai Repok ditu, sehari tu.

Ba penusah nya, Lucy Nangkai, 30, dikenukuka parai tekala nya ba palan penusah nya ketegal balat bakal ba pala enggau dada.

Nangkan nya, deriba entukar, Lu Yew Tai, 27, dianjung ke Sepital Sarikei ngambi diperubat silik.

Pemangku Tuai Polis Pelilih Sarikei, DSP Benedict Faris Jimoy madah, penusah aksiden nya dipelaba nyadi lebuh entukar ti ditepan Lu ensayar lalu tama ngagai arung sepiak sebedau ngelantak motosikal ti ditepan niang.

“Berebak enggau penusah nya, niang tepelanting lalu tama parit sereta parai tekala nya ba palan penusah nya empu ketegal balat bakal ba pala enggau dada.

“Pemarai niang nya dikenukuka raban ari Sepital Sarikei ti bisi ngelawa palan penusah nya,” ku iya ba sebengkah penerang sehari tu.

Penusah aksiden nya dipansik ba baruh Seksyen 41(1) Akta Pengangkutan Jalan 1987.

BERITA LAIN

BERITA TERBARU